بقلم : الكاتبة شيماء خليفة
صرخة ألم .. تخرج بروحي
فى ليل غميق
صرخة وجع .. لحظه تعدي
مافيش صديق
يا خلق تعشق الكلام
سكتوا حتى مافيش ملام
وتقولوا ليه اختارنا نبعد
وليه مشينا بدون سلام
صرخة ألم
خوفنا وإحنا صغيرين
كان بنحلم بالأمان
وضحكة الطفل البرئ
فينا ماليانة بحنان
بس النهاردة بتغضبي
رفضتي حتى تتطبطبي
وتطيبي قلبي الحزين
وبقيتي عني بتهربي
فى لحظة ألم
فينهم اللى كانوا يوم
عاملين صحابي وعزوتي
لما ثانية إحتجت ليهم
راحوا و طلعت صرختي
صرخة وجعها جه بموت
صوتها محكوم بالسكوت
وعيونها ماليانة بعشم
لكن عشمها سابوه يفوت
في صرخة ألم
