الأهلي بالنسبة له مش مجرد نادي.. الأهلي حكاية عمر وحلم بيشتغل عشانه كل يوم.
في مشهد مليان فخر وحماس تابع الكابتن محمود الخطيب رئيس النادي الأهلي ومعاه المهندس محمد كامل رئيس مجلس إدارة شركة القلعة الحمراء وأعضاء مجلس إدارة شركة الأهلي للمنشآت أعمال المرحلة الأولى للخرسانة في استاد فودافون وسط إصرار كبير إن الحلم يبقى حقيقة على أرض الواقع.
ولو اتكلمنا عن محمد كامل فالكلام هيكون عن راجل شايف إن خدمة الأهلي شرف قبل ما تكون مسؤولية وإن كل طوبة بتتحط في الاستاد هي خطوة جديدة في تحقيق حلم ملايين الأهلاوية.
محمد كامل. راجل عاشق للكيان قبل أي منصب مؤمن إن الأهلي يستحق يبقى عنده واحد من أعظم الاستادات في المنطقة وعنده قناعة إن النجاح الحقيقي هو اللي يفضل يخدم الأجيال سنين طويلة.
محمد كامل قلبه أهلاوي وعقله بيبني مستقبل الرياضة.
ويؤمن محمد كامل بأن نجاح أي مشروع رياضي كبير هو نجاح لمصر كلها لأن الرياضة بقت قوة ناعمة والاستثمار في البنية التحتية الرياضية هو استثمار في اسم البلد وصورتها قدام العالم.
وبيشتغل بكل طاقته علشان المشروع يطلع بالشكل اللي يليق باسم النادي الأهلي وبالشكل اللي يخلي كل مصري يفتخر إن الإنجاز ده اتعمل بسواعد وعقول مصرية.
وبيحرص دايمًا على متابعة أدق التفاصيل بنفسه لأن النجاح بالنسبة له مش بيتقاس بسرعة الإنجاز بس لكن بجودة التنفيذ واحترام اسم الأهلي وتقديم مشروع يليق بمكانة النادي وجماهيره.
ولو كان عشق الأهلي بيتقاس بالأفعال فكل مرحلة جديدة في الاستاد هي رسالة بتقول إن الحلم بيتبني بإخلاص وإن الانتماء الحقيقي بيظهر في الشغل والتعب والإصرار على النجاح
