القدس لنا

صدى الأخبار
كتبت أميرة الأشقر

القدس لنا
طوفان وزلزل العدو
رَعب جنود الاحتلال
والنصر لأصحاب البلد
والغمه هاتزول لا مُحال
مستنيين إيه يا عرب؟
الهمة.. شِدوا الرحال
الأقصى بينادى لينا
صفو الصفوف فُكو الأغلال
واتجمعوا.. واتوحَدوا
واتحرروا من ده احتلال
الحلم طال بينا أوى
ضربه ولا كَت فى الخيال
شَردت يومها وعقلى قال
باسرح فى الكون ده وباستعجب
ليه كل الناس فى صراع عايشين؟
اأصل الإنسان خلقهُ ربى
لعمار الأرض يابني آدمين
مش إنه يثُور أو يتعارك
على رسم حدوده شمال ويمين
والعمر يقضيه فى عبادة
ليه يضيع فى حروب وصراع وأنين؟!
فى ناس فى الدنيا بتحارب
هدفها تدمر الباقيين
وناس بتلف وتلملم
وعلى الأنقاض يا ناس عايشين
وناس فى النص تتأذى
ما بين دولا ودوول تايهين
وناس مأجورة بتحارب
لا ليها فى تور ولا فى طحين
وناس هدفها وطموحها
تِسود الناس ليوم الدين
وكل الناس دى غفلانة
عن الآخرة ويوم الدين
طب ارجع بص فى كتابك
هاتعرف حقك انتهى فين
دساترنا فى قرآنا وتوراتنا
وفى الإنجيل
بموسى وعيسى وَحِدنا
عشان يبقى إيمانا سليم
وناس بالحق تتكلم
وعايشة حياتها تتألم
رصاص الغدر نال منها
فى قصة كان بطلها شيرين
ده مشهد موتها فكرنى
بالدُرة وشباب تانيين
حوارى الأقصى تشهد لك
جروح جسمك هاتشفع لك
ثوابك عند ربى عظيم
بتدعى تنشال الغمة
وترجعى لينا يا فلسطين
دى أرض القدس عربية
ومحتلة بقى لها سنين
وريتشارد قصته تشهد
هزيمته فى موقعة حطين
ونصر عظيم هَداه ربى
ورد الحق والمظاليم
ومن فوق السما السابعة
نصر ربى صلاح الدين.

أميرة الأشقر 💔