المطرب أمير الشريف يطرح أغنية جديدة بعنوان(بهدلة الحب)

كتب :عمرو مصباح

أجرت شاليه في الساحل
فجابولي مكان يستاهل
طقت في دماغي انا نازل
اشتري بيتزات و باتيه
————————
فلمحت البنت الجامدة
عقلي اتبرجل من الخضة
فوقفت أفكر لحظة
و نسيت أنا نازل ليه
————————————————————————
ووقفت افكر لحظة ونسيت انا نازل ليه
————————————————————————
عجبتنى و ماشي وراها
عدت عديت وياها
قررت أفضل متابعها
و دخلت وراها كافيه
————————
فكرت أقعد و اتمنظر
آمر و اطلب واتفشخر
فبمد انا ايدي في جيبي
ملقتش في جيبي جنيه
————————————————————————
مش عارف اعمل ايه مش لاقى فى جيبى جنيه
————————————————————————
من اثر العلقة السخنة
دروخت وضارب لخمة
تعبان و دماغي وجعاني
أنا باعمل كل دة ليه؟
————————
شايفين بهدلة الحب
دايما بانزل في دروب
وادي المرادي أهي عدت
طب بكرة هيحصل ايه؟
————————————————————————
برضو المرة دى اهى عدت طب بكرة هيحصل ايه
————————————————————————
قررت شوية أتجرأ
و افتح وياها كلام
فكرت كمان لو حكمت
أنا هأطلب ايدها قوام
————————
فلقيت الخضة الأكبر
واقف مش عارف أفكر
طلعت مش سينجل أصلا
دة جوزها شبه فاندام
————————————————————————
طلعت مش سينجل أصلا واهو جوزها شبه فاندام
————————————————————————
من اثر العلقة السخنة
دروخت وضارب لخمة
تعبان و دماغي وجعاني
أنا باعمل كل دة ليه؟
————————
شايفين بهدلة الحب
دايما بانزل في دروب
وادي المرادي أهي عدت
طب بكرة هيحصل ايه؟
————————————————————————
ربنا هوا اللى ساترها سايبين الجاى عليه
————————————————————————
و الأغنية من غناء المطرب أمير الشريف، وكلمات محمد حسن ميدو
و ألحان، وتوزيع ماركو وحيد