بقلم
د/ احمد طاحون
لو حضرتك محبط
لو حضرتك شايف
الدنيا سودا
اتعلم سياسة الاصرار من العنكبوت عنده إصرار مش موجود عند كتير من البشر والدليل اي حد يهد بيته بيبنيه تاني وتالت ورابع وعاشر ماعندوش حاجه اسمها يأس
لو حضرتك محبط
وشايف الدنيا سودا
اتعلم سياسة النمل
حاول تحط صباعك ادام اي نمله هتلاقيها مصممه علي الاستمرار مش بنرجع لورا ابدا حتي لو فضلت ساعه تحط صباعك ادامها هتكمل طريقها بإصرار وعزيمة وإرادة مش طبيعية
لو حضرتك محبط
وشايف الدنيا
سودا
اتعلم سياسة الناموس
اتعلم الزن
مهما تغطي وشك هتلاقي الناموسه فوق ودانك وبتزن مش هتسيبك الا بموتها
عشان كده زن علي حلمك زن علي هدفك زن علي مستقبلك زن زن زن لحد ما توصل للي انت عايزه غير كده هتفضل واقف مكانك هتبقي انسان عادي اتولدت عادي وهتعيش عادي وتموت عادي ماحدش هيحس بيك عشان كده اتعلم ازاي تكون انسان غير عادي
وده مش هيكون الا بالإرادة والعزيمة والإصرار علي الوصول لهدفك وتحقيق حلمك
ودايما هفكرك
إن لم يكن لك هدفا ستكون هدفا من أهداف الآخرين
يعني لو انت مالكش هدف في حياتك انت نفسك بقيت هدف لغيرك فلا تلوم الا نفسك
فنصيحة وما دامت
الدنيا الا بالناصحبن
حط لنفسك هدف حتي
لو صغير وخلى الهدف
يكبر ادامك كل يوم
هتلاقي نفسك بتكبر
انت كمان كل يوم
لحد ما في يوم
هتلاقي حلمك كبر
وانت كبرت معاه
وساعتها بس كل التعب هيروح ومش هتفتكر غير انك بقيت كبير بقيت بطل مش كومبارس في مسرح الحياة
بس ابقي ادعيلي
تحياتي
د احمد طاحون
