بقلم / الإعلامية شيماء ربيع
النفاق حاليا بقي سمة العصر
بقي موضة زي قصة الشعر الجديدة عند الكوافير
وزي الموضة الجديدة في اللبس
مع أني إية المنافق ثلاث /
إذا حدث كذب / إذا وعد إخلف / إذا إوتمن خان
صدق رسول الله صلي الله عليه وسلم
ليه يا بشر النفاق
ما تنفقش علشان اي حد في الدنيا
عايز تجامل حد جامله في حدود المعقول
بس بلاش تكدب وتنافقه
الرسول صلي الله عليه وسلم أتاح الكذب في حالات معينة
لو بتصالح اتنيين متخاصمين ما تجيش تقول دا شتم عليك وعاب فيك وقال فيك وعليك
لما تكون بتصالح زوج وزوجة نفس الكلام بتقول الصالح بس علشان تصالح بينهم
الزوج لو زوجته عملت أكلة ما عجبتهوش ممكن في الحاله دي علشان ما يحرجهاش يقولها تسلم إيدك يا حبيبتي لأنها تعبت علشانه متاح إنه يكدب عليها في الحالة دي من باب المجاملة وجبر الخاطر
غير الحالات دي الكدب نفاق
ودلوقتي في زمننا دا ليه بقول النفاق بقي سمة العصر
لاني حاليا صديقة بتجامل صديقتها في الغلط
دي مش مجاملة دا نفاق
لو هي مثلا لابسة لبس ملفط وخليع ليه تكدبي عليها وتقوللها تحفة جميل عليكي انتي قمر في اي حاجة بتلبسيها
انتي كدا بتضلليلها مش بتفيدها
وكمان بتشيلي زنوب لأنك كدبتي ونفاقتي وما قولتيش الحقيقة
حرام عليكي في الحالة دي قولها الحقيقة وهي حرة قبلت الكلام أوك ما قبلتش أنتي عملتي اللي عليكي ونصحتيها لوجه الله عز وجل
ولما تكون ليكي صديقة بتخون زوجها من وراء ضهره انصحيها لوجه الله
ترضي علي اخوكي كدا أن مراته تقابل راجل تاني من وراء أخوكي
أتقي الله علشان ربنا يكرمك
ولو ما قبلتش النصيحة ااقطعي علاقتك فورا بيها
لأنك بالشكل دا بتشاركي معاها في معصيه
وأنت كمان في شغلك بلاش تنافق رئيسك علشان خاطر ترقية أو مكافئة
قولها الحقيقة في وشه ممكن يحترمك أكتر في الحالة دي
لو انت شايفه بيعمل حاجة مش صح أو مش مراعي ضميره في عمله انصحه لوجه الله وبما يرضي الله
ولا يهمك من حد غير اللي خالقك
اللي ربنا كتبهولك هيكون
وعلي نواياكم ترزقون
صح ولا غلط
إنما الأعمال بالنيات ولكل أمرؤ ما نوي
ربنا بيعاملنا بنوايانا مش بصورنا ولا أشكالنا
أتعامل بما يرضي الله ورسوله
بلاش تكلف وتصنع
بلاش تكبر علي مخاليق ربنا
من تواضع لله رفعه
ربنا رب قلوب
صدقوني الوصول لرضا رب العباد
سهل أوي
أفضل ما تراضي ابنك او بنتك
او مراتك
راضي رب العباد
وراضاه سهل أوي
بتأدية الفروض الخمسة
بالتصدق
بالتبسم في وجه أخيك دا برده صدقة
بالخير اللي بنعمله وربنا مطلع عليه وشاهد
بلاش تنافقوا وبلاش تكدبوا وبلاش تتظاهروا بعكس حقيقتكم
ربنا يكرمنا وإياكم أجمعين يارب العالمين
