بحبك يا بلادى

صدى الأخبار
كتبت أميرة الأشقر

بحبك والله يابلادى
لو نجوع فيها ليالى
راسنا تفضل فى العلالى
كبرياء ده مش تعالى
عِز نفس لأصل غالى
مهما أخبى أو ادارى
كل احلامى وأمالى
أو طموحى اللى ف خيالى
قلبى يصرُخ ليه تِدارى
و لمشاعرى ياريت تراعى
يقول عقلى مفيش داعى
أدارى فى كل أوجاعي
وألملم فى الجراح مره
و أداويها ميتين مره
تِعبنا وإحنا ناس حُره
فَداها نضحى بالغالى
رُباطنا مطوق السُره
ولو هانعشها بنعانى
لا لينا فى الركوع إحنا
ولا بنخضع مع المحنه
نموت ورؤسنا ما تحنى
شِبعنا وعود وأمانى
كِفاياكو أسى وجراح
فسادكو ريحتهُ فاحت فوح
وضيعتو الحقوق تانى
ومليت البكا والنوح
وبضحك والعيون بتبوح
وتفضح قلبى وكيانى
ما أنا بعانى
وقلبى أصبح الجانى عشان حبك
ونِفسُه يموت على أرضك
ويِتونس بأحبابك
دموعى تِبل فى ترابك
أنا المقتول فى محرابك
أنا العطشان فى وسط النيل
أنا الحُر اللى ليكى ذليل
أنا صامد وعُمرى ما أميل
لإنى إبنك وإبن النيل
ونفسى أغزلك الطرحه
وأشوف فى عيونك الفرحه
وأشوف مهرك قُصاد عينى
وبدعى الفرصه دى تيجينى
وهاستنى وعندى يقين
يجيلك اللى هايقدر
وبردو عليه هنتشرط
ويدفع مهرك الغالى
وتِعلى وتِعلى يابلادى
وأشوفك نجمه بتلالى
تنور لينا كل الكون
ترُد حضارة الوادى
أميرة الأشقر